Бөгөн – Балалар китабы көнө!

 2 апрель – Балалар китабы көнө. Нәҡ ошо көндә күренекле әкиәтсе Ганс Христиан Андерсен тыуған. 

    Әҙиптең исемен мәңгеләштереү һәм балаларҙа китапҡа ҡарата һөйөү тәрбиәләү маҡсатынан булдырылған байрам бөтә донъяла уҙғарыла. Ул 1967 йылдың 2 апреленән билдәләнә.

 Бала-саҡ әкиәттәре һәр беребеҙҙең хәтеренә уйылып ҡалғандыр, моғайын. Ғүмер буйы уҡыған китаптарҙың күбеһе онотола барһа ла, бәләкәй саҡта уҡығандары үҙҙәренең геройҙары, төрлө төҫлө һүрәттәре менән олоғайғас та күҙ алдынан китмәй. Бөгөн компьютер, төрлө электрон уйынсыҡтар, заманса мәғлүмәт сығанаҡтары өҫтөнлөк иткән заманда йәшәйбеҙ. Кеше хәҙер китап уҡымай, тип уфтанырға яратабыҙ. Әммә был ысынбарлыҡта дөрөҫ түгел. Матур-матур, төҫлө китаптар күреү менән һәр сабыйҙың күҙендә осҡон ҡабына, нур уйнай, күңеле талпына. Ғөмүмән, балалар китабына һәр ваҡытта ла, һәр заманда ла ихтыяж ҙур булды. Китап сығарыр өсөн мөмкинлектәр ҙә башҡа хәҙер. Ниндәй генә форматта, ниндәй генә тышлыҡта, ниндәй генә материалдан баҫылмай улар?! Күренекле рус яҙыусыһы М. Горький балалар әҙәбиәтен ҙур бер «суверен держава» тип атаған.

  «Китап» нәшриәтендә лә һәр бала зауығына ярарлыҡ бай йөкмәткеле, сағыу тышлы, төрлө иллюстрациялы китаптар баҫыла. Шиғри йыйынтыҡ булһынмы ул, әкиәт булһынмы йәки хикәйә – барыһы ла бер уй-ниәт – бәләкәстәрҙең күңелен үҫтереүгә, туған телгә, тыуған илгә һөйөү уятыу, дуҫлыҡҡа, татыулыҡҡа өйрәтеү, китапҡа һаҡсыл ҡараш тәрбиәләү кеүек оло маҡсаттар менән баҫыла.

  Байыш урта мәктәбе китапханаһы Халыҡ-ара балалар китабы көнө уңайынан  йәш китап уҡыусыларын ихлас ҡотлай һәм изге теләктәрен еткерә!!!

Китап һәр баланың дуҫына, тәрбиәсеһенә һәм тәрән аҡыллы уҡытыусыһына әйләнһен, рухи ихтыяжын ҡәнәғәтләндерһен, ҙур хәрефтәр менән Кеше итһен!

Һеҙҙең иғтибарығыҙға Башҡорт халыҡ әкиәттәрен тәҡдим итәбеҙ!

   Ҡәҙерле атай-әсәйҙәр, олатай-өләсәйҙәр!

Буш ваҡыттарығыҙ булған һайын балаларығыҙға, ейән-ейәнсәрҙәрегеҙгә Башҡорт халыҡ әкиәттәрен мотлаҡ уҡырға тырышығыҙ йәме! Балаларығыҙ беҙҙең Башҡорт халыҡ әкиәттәрен уҡыһындар һәм ғөмүмән әйткәндә Башҡорт халыҡ ижадын, тарихын белеп үҫһендәр ҙә киләсәк быуындарға тапшырһындар ине тип теләргә генә ҡала!

 Яҙманы дуҫтарығыҙға таратығыҙ, диуарығыҙға (стена) ҡуйығыҙ! Репост!

Түбәндәге һылтанмалар буйынса инеп, "Башҡорт халыҡ әкиәттәре" менән тулыһынса таныша алаһығыҙ!

  1. (http://vk.com/videos-69344323?section=album_1) - "Башҡорт халыҡ әкиәттәре" исемле видеоальбом.

 2. (http://vk.com/audios-69344323?section=playlists&z..) - "Башҡорт халыҡ әкиәттәре" исемле аудиоальбом.

3(http://vk.com/wall-69344323_1427?w=wall-69344323_1427) - Башҡорт халыҡ 3әкиәттәре.